مشكله عضو
أرجو من الناس المحترمة ماتغلطش فيا لان فيا اللى مكفينى دلوقتى انا عندى ابن من طليقتى طليقته بتبعتهولى مع اخوها كل جمعة عند امى هو ست سنين أمى بتأكله وبتقضى معاه اليوم وانا بقعد معاه شوية واخرج مع صحابى لانى
مليش فى قعدة البيت المهم بيقعد يسأل امى فين بابا ويعيط وزنان جدا وانا بصراحة مليش خلق يتصل بيا من امى يبابا تعالى واقوله حاضر يفضل يزن على امى تتصل تانى وبقيت كل مااخرج اقفل التلبفون او اعمله صامت لانى بصدع جدا من كتر الرنات وفضلنا كدة لحد ما طـليقتى اتصلت بيا تقولى الواد بيرجع من عندك وحالته النفسية وحشة انتو بتعملو فيه ايه قولتلها هنعمل فيه ايه بسيبه مع أمى تقولى دا بيفرح اما ييجى عندك دا بيحبك وانت تسيبه مع امك طالما مش لازمك ايه بزمتها ييجى قولتلها خلاص ماتجبهوش ومن وقتها فعلامابتبعتوش المشكلة بقى فى اللى جاى كنت معدى مرة من قصاد مدرسته قولت اعدى عليه اشوفه واعملهاله مفجأة اما الدادة دخلت وجابتهولى الواد اول ماشافنى فضل ماسك فى ايدها وبيقولها رجعينى تقوله يا حبيبى دابابا يقولها لاء رجعينى ويعيط روحتله وقولتله مالك يا حبيبى فى حد ضړبك بيلوى وشه
وبيبص للدادة وبيقولها رجعينى قولتلها خلاص خديه فهمت ان امه هى لللى قعدت تكرهه فيا اتصلت بيها قالتلى انت اللى كرهته فيك وهو مبقاش يحب يروح عندك من نفسه هو فى طفل يعرف يكره كدة منه لنفسه الا لو حد زن عليه حتى لو انا اهملت فيه هو اكيد مش
هيستوعب حاجة زى دى دا لسه ست سنين وانا مصمم اعمل لامه قاعدة بين الكبار نشوف الموضوع لانى دمى اتحرق وشكلى كان وحش قصاد الدادة والمدرسين واكنى كنت بعذبه ياريت تجاوبونى لو سمحتم خصوصا الناس الل. عندهم أطفال هو طفل زى دى هيعرف يكره كدة ويطلع منه التصرف دة منه لنفسه
اةلاء وامه هى اللى كرهته فيا
